《潛水員戴夫》同知名怪獸IP哥吉拉推出跨界合作DLC！
Nexon 旗下韓國 Mintrocket 開發嘅《Dave the Diver 潛水員戴夫》,喺 2022 年 10 月起陸續推出喺 PC 同家用機上,發售以黎好評如潮。日前宣佈將於 5 月推出「哥吉拉」合作 DLC,而家官方正式公佈呢個哥吉拉合作 DLC 將喺 5 月 23 日起,針對 Steam／Nintendo Switch／PS4|5 版本免費更新上線。
呢個 DLC 名為「Godzilla Content Pack」,將會由 5 月 23 日持續到 11 月 23 日期間限定免費下載。故事講述主角喺藍洞深海捕魚時,意外發現受傷嘅哥吉拉,並將佢接回嚟藏匿喺呢個秘密海域。
除咗可以睇到哥吉拉喺遊戲內現身,DLC 仲會包含 1966 年電影版《哥吉拉．伊比拉．摩斯拉 南海大決鬥》登場嘅伊比拉。玩家可以用 G-Force 嘅潛水艇去狩獵伊比拉,並將佢嘅肉製作成最高級壽司食材。
呢次跨界合作定必會為《潛水員戴夫》帶嚟更多玩家關注,期待 5 月 23 日可以玩到呢個精彩嘅 DLC 內容!
